自我介紹 - 我的護士生涯

大家好! 第一篇blog就講吓我既護士生涯。

畢業之後, 我做過幾年公立醫院, 又做過私家醫院, 全部都係係兒科病房度做。

讀完PRCC, 做到night ic既level, 但我唔覺得自己係senior, 又唔可以話自己係junior個種。

做左一段時間之後, 因為想趁後生嘗試下唔同既範疇, 而家已經離開了ward向住research既方向進發。

以我自己既經歷, 我覺得係咁:

公立醫院: 學到好多野，亦有好多學習機會，當年都係做左3年就讀到prcc（呢個每個病房嘅情況都唔同，要睇天時地利人和），工作係眾所週知既忙，收症係唔會因為無床而停止。

私家醫院: 人工比起公立醫院高2個point（只係我既情況，間間醫院唔同），著重講costumer service，如果有客人抱怨或者投訴，99%會俾上頭召你入房問話，可以話同係公立醫院俾人投訴時霸氣地拎個名牌俾人抄既情境好唔同。以學野黎講，因為通常d名醫都會係私家收症，所以跟佢地既症都可以學到d野，或者係見到一d新既治療方法。

Research工作: 返工時間係星期一至五，朝9晚5，紅日放假，工作編排比較有彈性，好適合有小朋友想有family time既人。不過人工就比返Ward少，有得有失。至於學到d咩，或者等我再做耐d先再分享。

除咗呢3份我返過既工，我都有interview過/做過其他護士嘅job，可以分享一d我所知嘅野：

紅十字會RN: 係各個捐血站負責採集血液，同埋向大眾推廣捐血救人嘅訊息。根據interview 時佢地既說法，返工時間多數係中午至晚上，星期六日會比較少放假，工作地點都未必會fix係同一個地方，而係睇需要調配。所以雖然唔洗返night，但對於有家庭想要family time既人就未必太吸引。

衛生署RN: 衛生署既服務範圍好廣，所以都好難講佢會派邊份工作俾你，不過我身邊成功被衛生署請既，佢地份工都係唔需要返通宵，例如chest clinic果d。至於好多人想知既interview內容我就唔講喇(有保密協議)，只可以話我覺得我見過咁多份工，呢份係最難in，d問題最難答😅。

Agency nurse: 呢份工其實無論你有幾多年experience，都只會視乎你既title (RN定EN)同埋你做既鐘數，根據間agency公司自訂既payscale去出人工俾你。工作既內容係每間醫院每個病房都唔同，試過去A病房佢地淨係要我做obs 、執床、換片、餵飯，其他咩都唔洗做；然後去B病房就要我做晒全場Wound dressing、插NG tube、插foley、抽痰⋯；又試過去某宿舍做，除咗Obs、抽痰、換片、餵奶（用胃喉）、派藥、清潔，仲要我執晒未來3日全宿舍既人既藥⋯不過做agency nurse有個好處係可以揀job，如果明知份工唔好做，下次唔好接個份囉～如果話做呢份工我最唔鍾意既一樣野，就係返工要著自己prepare既工作服（公司會有得買），要自己帶去病房著，著完又要自己拎返屋企洗！You know而家咁多病毒，仲要covid橫行既情況之下，要拎件工作服返屋企洗真係驚會帶咗d菌返屋企交叉感染，唯有將件工作服分開手洗，避免同家人既衫放埋一齊。

大概我諗到既係咁多喇～黎緊再share一d工作經歷😊